تسجيل دخول 
تسجيل
مساعدة 
انا بنت من سورية وبصراحة كتييييير تعبانة قصتي اني انا حبيت شب ضل سنتين يركض ورائي لحتى حبه المهم ضلينا سوا سنة ونص بعدين بأول العلاقة كان انسان رائع رومانسي لطيف مؤدب لابعد الحدود وبعد تقريبا سنة بدأ يمارس ألاعيب التقل وشوفة الحال انا بصراحة ما كنت أعرف انو بالاصل في هيك الاعيب بعدين وبعد اصرار كبير مني تقدملي وخطبني لان ما بقى بدي كون مع شخص ما بعرف اذا حكون معو للابد اهلي وافقوا والاتفاق على مدة الخطبة هو سنتين وهاد الشي قهرنا كتير لان بدنا نكون سوا باقرب وقت علما انو انا وهو طلاب جامعة وما بنتخرج قبل 3 سنين المهم انا مكتوب كتابي بالشرع والدين والقانون انا زوجته وهو زوجي بس العادات والتقاليد لا تسمح للشب انو يدخل على الفتاة الا بحفلة عرس وبصراحة انا وهو ما قدرنا نستنى سنتين الخطبة بالاضافة ل3سنين معرفة وفعلا دخل علي بعد الخطبة بفترة يعني بالحلال بس طبعو السيء زاد كتير صار يسبني ويبهدلني وضربني 3 مرات هاد غير الكفريات والحكي القليل الادب علما انه متعصب دينيا وانا كتير بسايره بيقلي لا تقيمي حواجبك حرام لا تحطي مكياج البسي مانطو(جلباب,عباية) لا تحكي مع زوج اختك وكتييير من الاشياء بس الحمد لله ما كان اله علاقات ابدا غيري بس انا حجن منو بيحلفلي بالله انو بيحبني وبعد شوي بيسبني وبيبهدلني اهلي بيعرفو شوي من مشاكلنا ومو عاجبهن بس ما بدهن يفسخو والمصيبة اني بحبه وهو داخل علي كل ما نتخانق ترجع علاقتنا اسوأ من الاول وبنضل شهور متخانقين حتى ارجع اترجاه يسامحني على شي انا ما غلطت فيه علما انو هو كان يركض ورائي زمان جربت معه كل الطرق سايرته فتمدمد واخذ وش ما رضيت سايره وقتها ورجاني الويل طنشته شهر طنشني شهرين وما اتصل فيني او حتى باهلي عيطت عليه سبني وكفر علي سكتت اتطاول علي بس والله العظيم بحبه علما انو بدعي كتير الله بس رب العالمين من صفه ما عم يستجبلي انا كتير يائسة الاتفاق سنتين نكون مخطوبين وباقي ست اشهر ولازم نتجوز بس بضل بقلي ما حنتزوج قبل سنتين كمان واهلو كمان ما بدهن يتزوج حتى يتخرج علما اني حبلت مرتين بس ما رضي اني خليهن وخلاني اطرح وبهاد الشي ما حدا بيعرف غير اختي يلي ما عم تقدر تساعدني باي شي انا والله ندمانة على كل شي بس بصراحة انا حسيت اني يئست ما يئست من ربي لا بس رب العالمين من صفو وانا بصراحة عم فكر انتحر انا على جميع الاحوال فايتة عالنار وخصوصي بعد ما اجهضت روحين غصب عني انا صدقا اذا ما لقيت النصيحة يلي حتنفع الحل الاخير هو الانتحار بريح خطيبي او جوزي وبرتاح
اقتباس متعدد
