[أميرة الاحزان]

السلام عليكم ورحمة الله وبركاته
مشكلتى عندى 22 سنة وتزوجت من اربع سنوات تزوجت شهر فقط وسافر زوجى من أربع سنوات وتركنى حامل فى اول شهورى بعد ماسافر حصل مشاكل بسبب الانفاق واهله طردونى من شقتى ومنعونى من دخولها وهو كمان كان جاف معايا جدا وانا كانت نفسيتى تعبانة لانى كنت حامل هو قطع اتصالاته ومش اتصل بيا طول الحمل ولم ينفق عليا ولا اهله سألوا عليا لان كنا شدينا قصاد بعض لانه مش كان راضى يشيل مسئولية حتى جاء موعد الولادة انتظرت مكالمته لم يتصل ولم يسأل عن ابنته حتى ولا اهله سألوا مع ان فيه ناس وصلوه ف الخارج ان انا ولدت وجبت جنة ماعبرنيش انتظرت يتصل بيا بعدها مااتصل حتى صار عمر البنت 3 شهور بعدها والدى كلمه وقالله ياابنى لو مفيش مصيب زى مادخلنا بالمعروف نخرج بالمعروف قالله يعنى عاوز ايه قالله طلقها وبعدين الكلام دا طبعا بعد مااتكلم معاه بهدوء وحاولوا يصلحوا الامور كتير
المهم قالله انا مش هطلق وعندك المحكمة اللى تطولوه خدوه المهم بعدها بعتنا لاهله علشان نحل المشاكل دى وكدا بصراحة انا كنت كرهته جدا فى الوقت دا لانه بعد عنى ف اكتر لحظات احتاجت له جنبى فيها المهم اهله مش ردوا علينا وقالوا انتم احرار معاه المهم صممت انى انفصل عنه وبالفعل رفعنا قضية طلاق لانى حاضنة القضية بقالها 3 سنوات فى المحكمة ولم يحكم لى بالطلاق على الرغم من انى مقدمة شهادة تحركات تفيد انه بقاله 4 سنوات خارج مصر
انا تعبت من كتر الانتظار بصراحة وفيه حاجة انا كمان محتاجة رأى الدين فيها انا لما بتعب واحس انى محتاجة لزوجى بمارس العادة السرية وعلى قد مابقدر بحاول اتركها بس صراحة انا تعبت قوى وماعدت اقدر استحمل اكتر من كدا ومش عاوزة اغضب ربنا ومش برضى ادخل اى راجل حياتى علشان مغلطش او احس انى بعمل حاجة غلط كمان اخاف على سمعتى قوى بس ارجوكم العادة السرية حرام انا عارفة بس ذنبها كبير ولا انا معذورة واعمل ايه انا تعبت بجد اربع سنوات وانا متحملة بعده عنى بس بجد مش قادرة استحمل وحاولت كتير ابعد عنها مش بعرف هى بتهدينى شوية انا تعبت قوى

بالله عليكم اعينونى وشوفولى حل لموضوعى دا جزاكم الله خيرا

[شمعة أمل]

بسم الله الرحمن الرحيم

ربنا يصبرك يا حبيبتي كمان وكمان ويجعله في ميزان حسناتك اولا لو عايزة راي الدين مفيش غير العلماء هما الي هيفيدوك لانك حاله خاصه والله اعلم

اتصلي ب107 دار الافتاءالمصلايه خط ساخن مجاني هيجيبوا عليك باذن الله بالي يثلج صدرك ويهون عليك ظلم الزوج ده

تانيا بقى هو الزوج ده انت معرفتيش جفاه وبخله ولا مبالاته دي قبل الزواج ولا الجواز كان سريع مش قادره اتخيل ولا اقول غير حسبي الله ونعم الوكيل

في الاهل الي قسوه عليك وعلى بنتك وياما كل البيوت فيها بلاوي ومشاكل بس ده ليه يوصلها لكده 4 سنين مشفش بنته ولا حن ليها يبقى خير ليها انها متعرفش

اب زي ده لانه عمره ما هيبقى حنين ولا مسئول عنها مبدئيا انت عملت كل الحلول الممكنه وصلتيله ولادتم هو واهله ووالدك كلمه ووصلتوا للطلاق والمحاكم في

مصر ماشاء الله عليها في مواضيع الطلاق ب10 سنين مش عارفه هتقبلي مني المجازفه دي انك تروحي لاهله ببنتك ويبقى معاك حد كبير من اهلك ممكن ممكن يحنوا

لما يشوفوها ويلاقوا حل افضل يا اما الصلح او يقبلوا الطلاق لو تعبت يبقى الجائ للخلع وسيبله الي صرفه ودفعه ده اذا كان دفعلك حاجه اصلا في الشهر

ده واثبتي على صبرك وعفتك ونقائك وادعي دايما في قيام الليل واكثري من الاستغفار لانه بيفتح كل الخير والرزق وصلي على النبي صلى الله عليه وسلم

كتيييير اووي وربنا يصبرك ويوفقك ويعينك على الخير لما يحب ويرضى

[امل حياتى]

حسبى الله ونعم الوكيل فى زوجك واهله منهم لله اللى وصلوكى لهذه الحاله
انا من رايى تطلبى الخلع منه لانه ده مفيهوش رجاء منه وبعدها ان شاء ربنا يرزقك بزوج يقدرك
والعادة السرية ده حرام شرعا وطبيا كمان وارجو انك تقلعى عنها وافتكرى ان ؤنا شايفك
وفكرى فى بنتك كمان لمل تكبر تحبى تبقى زيك ولمل تشوفك كده ارجووووووووك توبى ولستغفرى الله
ولمل تحسى بالشهوة اغسلى عضوك واسفل ظهرك بالماء البارد واستغفرى الله وصلى ركعتين وقولى اذكار كمان

[koko2099]

مشكلتك تحزن فعلا يااختى ربنا يصبرك لكن الزوج دة لايستحق ان يوصف بالرجل اصلا اجو انك تتخلصى منه وتخلعيه عشان يحس بالاهانة والرفض منك وربنا يصبرك على ترك العادة دى حاولى تمشى كتير ساعة او اتنين او ابذلى مجهود بدنى فى تنضيف البيت هتقدرى تبعدى عنها ان شاء الله ربنا معاكى