[شاهندة]

اناكنت مخطوبة قبل كدة مرتين وتفشكلوالحمدللة انهم اتفشكلوا على خير الاولانى مكنتش قبلاة خالص واكتشفت انة شخصيتة وحشة جدا دة غير عيوبة الكتيرة والعيلة كانت رافضاة لكن ماما وافقت لانها كانت عايزانى اجوز وتفرح بية وانا قولتلها كتير مينفعش اخد واحد مش قبلاة لكن لاسف حصلت قراءة فاتحة ومر ت شهور وبعدين انا مقدرتش اتحملة وبعد كدة اتقدملى التانى زقبل ما ارتبط بية اكتشفت انة معندوش سكن كويس وبيكدب فى حاجات كتير وشخصيتة وحشة جدا انانى ومغرور ماما وبابا خصبونى علية وحصلت قراية فاتحةوبعد شهور اتفشكلت واهلى اكتشفوا انة انسان مش كويس وانا ساعتها عاتبتهم كتير المهم اتقدملى بعدها واحد وانا ساعتها نفسيتى كانت تعبانة قوى ومش بفكر فى الجواز اهلى سالوا عنة والناس كالعادى قالوا انة انسان كويس وكانوا عايزينى ارتبط بية انا ساعتها لما عرفت انة بيشتغل فى اعمال حرة انا ساعتها اترددت لكن اتغاضيت عن الموضوع وقالولى انة الشغل الحلال عمرة مكان عيب اكتشفت انة معاة 7بنات اخوات وحصلت خطوبة واكتشفت انى امة ست مستقوية القلب جدا على اهلى فى الاجهزة والحاجات المطلوبة من العروسة واكتشفت انى امة هية اللى كلمتها لازم تمشى وخطيبى مالوش شخصية مع اهلة بل وكمان مالوش راى وكل كلمة اقولهالة يروح يقولها لاختة المتجوزة واختة تقول لامة والخبر ينتشر على عينك ياتاجر انتوا مش متصورين اى حاجة زى اية زى اتفة حاجة المهم اكتشفت لسة الايام دى انة بخيل جدا بل قمة البخل فى كل حاجة بل من قيمة كام يوم جت والدتة وقالتلى انى الشبكة على العروسة هى اللى تجبها اليومين دول انا طبعا قعدت اتضحك ورديت عليها وقولتلها ان الشبكة معروفةانها هدية من العريس للعروسة حتى لوكانت حاجة بسيطة دبلة مثلا المهم فوجئت فى التليفون ان خطيبى بيقولى انى الشبكى على العروسة فرديت علية نفس الرد وهوة مكنش مقتنع بكلامى ودار حوار طويل عريض فسالتة فى الاخر انتا ترضى انى الست تصرف على الراجل قعد يتهرب من سؤالى وبعدين قالى انى الست دلوقت وصلت مناصب كبيرة قولتلة الست دلوقت بتوصل مناصب كبيرة مش علشان المادة وانها تصرف على البيت الست دلوقت عندها طموح كتيرة جدا وبتطلع علشان تزبت زاتها زقدراتها المهم معجبنيش كلامى وخلصت المكالمت وبعد كدة دارحوار مابينى وبين نفسى واكتشفت حاجات كتير اكيدانتوااكتشفتوها معايا بجد انا عايزة اعرف اكمل مع الشخص دة ولا لا واساسا اهلى مش موافقين على موضوع الفسخ اتعامل ازاى معاة ولا اعمل اية

[شمعة أمل]

بسم الله الرحمن الرحيم

اهلا بيك يا شهنده معانا

بصي ياستس انت ماشاء الله عليك عرفت تطلعي العيوب لوحدك وحسيتيها وبعد الشر عليك من الاكتئاب بقت شغلك الشاغل تفكري فيها هي موجوده ولالا

لا ياستي والف لا الراجل راجل وعارف معنى القوامه الي عليه انه يبقى قادر يفتح بيت على قد ماقسمله ربنا من رزق لكن يبخل

ويكلم كلام مش منطقي ومش عرف عند الناس كلها يبقى شخصيته مهزوزة جدا جدا جدا قدام والدته كمان بيغير الحقايق على هواه وعلى الي يشمي مع مزاجه

من راي ده مش شخص مسئول ولا مبالي ولا فارق معاه اصلا الجوازة دي لانه لو فارق كان دخل البيت وهو جاهز وعارف الي ليه والي عليه

كان خلع والدته من الموضوع وهو الي يتصرف معاك بما يرضي الله انا مش فهمه انت لسه محتارة وبتفكري في ايه ايه الميزة الي فيه ممكن تخليك تستني كمان

شويه وتفكري وتلتمسيله اي عذر هو مش مناسب لاي بنت على الاطلاق بصفاته اللا مسئوله دي ربنا يقدملك الخير وينورلك الطريق

بعدين خدي وقتك الكافي بعد ما تنهي الموضوع ده لغايه ما تقدري تقرري ايه الي يرضيك وايه الي يريحك انت مش اهلك

خد فرصه تهدي وتنسي وتروقي من الغامرات العسيره الي عدت عليك دي وربنا ييسر لك امرك

[muhammad]

انا مش مع انك تكملى مع شخص مابيتبلش في بؤة فولة و كل مامتة مماشية كلامها علية و بيحكى كل حاجة لاخواتة

النقط دى بتبهدل الست في عيشيتها مع جوزها و عيشيتها بتبقى قرف و ماليان مشاكل

زيادة على كدة بخيل ! يع ! هههههههه

يعنى انا حاسس انك لحد انهاردة عاصرة على نفسك عربية لمون مفعص جاررها و احد بتاع لمون عشان تقدرى تتقبلية و تتعاملى معاة

انتى العرسان التعبانة دي بتجيلك منين ؟ سبحان الله يعنى

اقولك على حاجة موضوع فسخ الخطبة كتير دة مكن يسوق سمعتك خلي بالك بس مافيش مفر من انك تفسخى خطوبتك من عريس زي اللى بتحكي عن دة او زي اللى قبلة.

يعنى انا عاوز اقولك انتى لازم تعيدي النظر في طريقة العرسات الفاشلة دي . انتى عاملة اعلان في الجرايد ولا اية ؟ هههههههههههههه

بس انا متاكد انك مش عاملة اعلان في الجرائد و انك ماشاء الله عليكي يعنى ليكي تاثير و جاذبية .

الغلط على اهلك ان كل عريس يجي يقروا معاة فتحة منغير مايسالة عنة كويس . الموضوع دة مخليكي محسوب عليكي 3 خطوبات فاشلين و انتى مش العيب منك. يعنى لو مامتك تبطل استعجالها دة ممكن يجيلك عرسان كتير تختاري منهم اللى انتى شايفاة مناسب من غير مايتحسب عليكي كل واحد فيهم بخطوبة مفسوخة .

المهم دلوقتى انك لو عاوزة تخلصى من الراجل دة مايبقاش السبب مباشر منك انتى خلى اهلك هما اللى يقترحوا انك تسيبية .

اصلا هما بيغلطوا و المفروض الغلطات دي انتى تلميها كدة و تكبريها بمعرفتك و تخلى باباكي و مامتك يقرفوا منهم كلهم هو و مامتة و اخواتة

يعنى موضوع زي الشبة على العروسة دة ممكن يتصور فيها قتيل و القاتل يبقى بباكي و المجنى علية هو و امة و انتى شريك محرض في الجريمة هههههههههههه

فاهمانى ؟ المفروض تعملى اية ؟

ربنا يوفقك

[امل حياتى]

muhammad, on 05 March 2010 - 07:22 AM, said:

انا مش مع انك تكملى مع شخص مابيتبلش في بؤة فولة و كل مامتة مماشية كلامها علية و بيحكى كل حاجة لاخواتة

النقط دى بتبهدل الست في عيشيتها مع جوزها و عيشيتها بتبقى قرف و ماليان مشاكل

زيادة على كدة بخيل ! يع ! هههههههه

يعنى انا حاسس انك لحد انهاردة عاصرة على نفسك عربية لمون مفعص جاررها و احد بتاع لمون عشان تقدرى تتقبلية و تتعاملى معاة

انتى العرسان التعبانة دي بتجيلك منين ؟ سبحان الله يعنى

اقولك على حاجة موضوع فسخ الخطبة كتير دة مكن يسوق سمعتك خلي بالك بس مافيش مفر من انك تفسخى خطوبتك من عريس زي اللى بتحكي عن دة او زي اللى قبلة.

يعنى انا عاوز اقولك انتى لازم تعيدي النظر في طريقة العرسات الفاشلة دي . انتى عاملة اعلان في الجرايد ولا اية ؟ هههههههههههههه

بس انا متاكد انك مش عاملة اعلان في الجرائد و انك ماشاء الله عليكي يعنى ليكي تاثير و جاذبية .

الغلط على اهلك ان كل عريس يجي يقروا معاة فتحة منغير مايسالة عنة كويس . الموضوع دة مخليكي محسوب عليكي 3 خطوبات فاشلين و انتى مش العيب منك. يعنى لو مامتك تبطل استعجالها دة ممكن يجيلك عرسان كتير تختاري منهم اللى انتى شايفاة مناسب من غير مايتحسب عليكي كل واحد فيهم بخطوبة مفسوخة .

المهم دلوقتى انك لو عاوزة تخلصى من الراجل دة مايبقاش السبب مباشر منك انتى خلى اهلك هما اللى يقترحوا انك تسيبية .

اصلا هما بيغلطوا و المفروض الغلطات دي انتى تلميها كدة و تكبريها بمعرفتك و تخلى باباكي و مامتك يقرفوا منهم كلهم هو و مامتة و اخواتة

يعنى موضوع زي الشبة على العروسة دة ممكن يتصور فيها قتيل و القاتل يبقى بباكي و المجنى علية هو و امة و انتى شريك محرض في الجريمة هههههههههههه

فاهمانى ؟ المفروض تعملى اية ؟

ربنا يوفقك

[امل حياتى]

السلام عليكم
انا من رايى انك تسيبيه وان الخسارة الصغيرة احسن من الكبيرة لانك عمرك ما حتعيشى فى سعادة ابدا وهو بهذه الشخصية وكمان بخيل

ولو مكنش العريس من الاول كويس وابن حلال كده وفى مزايا حلوة تقبليها فى حياتك يبقى قلته احسنحيفضل مش كويس على طووول وعمره ما حيتغير لان الى فى طب مش بيتغير ابدا ابدا

[رنا احمد]

اخلصى منة بسرعة فك الف خطوبة احسن من فك جوازة واحدة ارمية وراة ظهرك يابنتى وانتى الكسبانة وسيبك من كلام الامهات الى بيجيب لوراة دة وبعدين لما تتعبى وتقرفى من عيشتك معاة مش هتسمعى الا معلش اتحملى لكن محدش هيعيش مع الشخصية دى غيرك انتىىىىىىىىى scapeeeeeeeeeeeeeeeeee

[امرأة حساسة]

عن جد انا مش فاهمة اهلك اي حدا يقرو معو الفاتحة !!! اوكي اكيد سالو عنو وحكولهم العالم انو منيح بس حتى ولو ،، يا بنتي هاي سمعة والناس بتمووت بهيك قصص !! بس اكيد احسن من تتجوزي واحد فيهم وتبتلي فيه ،،، يعني انت لسا هلا في بر الامان ،، وبالنسبة لخطيبك المعتوه هاد واسفة عالكلمة يعني الكتاب مين من عنوانو ،، استغفرك يا ربي ،، المهم فكي نفسك منو وخلي عنك هاد مريض نفسيا وبدور على واحدة تصرف عليه وعلى اخوتو او تكون مراتو وهي زي الاطرش في الزفة ...

مبين عليكي امورة ماشاالله ما عناها اتئني في اختيارك وما تخطبي قبل ما تصلي استخارة ،،

وعن اهلك اكيد ازا عرفوا عيوبو هاي مستحيل يخلوكي معاه ...

وانتي ما تزعلي حبيبتي عاااادي زي ما حكتلك الاخت قبلي (( تفركشي ميت خطبة ولا تفركشي جوازة )) وانشاءالله حيجيلك عريس لقطة يعوضك عن كل اللي فات
وسمعينا الاخبار الطيبة ..