[موناليزااااا]

فى بدايه كلامى طبعا انا بشكركم على الموقع الجميل ده .وانا اول مرة اشوف الموقع ده لسة اللحظة دى ويشرفنى اكون واحده منكم مش عايزة اطول عليكم بس اتمني ارائكم فى اسرع وقت ممكن يارب حتى يكون فى خلال الساعات المقبله لان بجد مفيش وقت...!
انا عندى 21 سنة فى بدايه حياتى حبيت شخص وانا فى العاشرة من عمرى بس حب طفوله وكمان كان نظرات واحاسيس من بعيد لبعيد وفضلنا على الحال ده لمده 3سنين مجتش الصدفه الى تخلينا نتكلم مع بعض وبعد 3سنين وكانت اول سنة ليه فى المرحله الثانويه جت الفرصه واتكلمنا وحبينا بعض جدا بس هو كان بتاع بنات جدا ومتعدد العلاقات وفمرة طلب منى ان العلاقه بنا تبقى اقوى بالجنس طبعا مش الجنس بالمعنى المفهوم بس درجة القرب الجسدى بنا تزيد طبعا رفضت كتير وقاومت كتير لحد ما ضعفت فى مرة وافقت كان بس عشان يبقى ليه لواحدى وميخونيش وعلى الرغم اد ده حصل وانا من جوايا مش راضيه عن نفسى ابدا فيه بس كنت فكرة انى بضحى عشان حبى بس لقيت ان كل ما بكبر كل ما الندم بيزيد وبتاكد انى كنت غلطانة جدا المهم..بدات العلاقه بنا الجنسيه تزيد مرة فى مرة بس كانت بمعدل مرة فى الشهر تقريبا وغير محسوبه المهم بعد مرور 10 سنين على حبنا الكتير الى جرحنى فيهم كتير اوى وخانى كتير اوى اوى برده وشوفت منه عذاب كتير اتقدملى بس وقتها رفضت لانى اكتشفت انه ميصصلحش يبقى زوج ليه واب لاولادى لانى كبرت وبدات احس بالذنب وعاوزة انسان يحافظ عليه من شيطانه نفسه قبل الناس عاوزة ابقى كويسة ومحترمة فى نظر نفسى على الاقل وفعلا انفصلنا على الرغم انى بحبه حب كبير جدا وقررت انى مش هفكر فى الاراتباط تانى الا بالجواز والحلال وفعلا اتقدملى شخص كويس جدا عاقل متدين وناضح ومحترم ومثقف وطموح جدا وبيحبنى موووت وبيخاف عليه اوى والمفروض النهارده اخد قرار فى ان تتم خطوبتنا خلال يومين ولا لاء لانه مسافر خارج مصر يوم 1/3 وهيغيب عنى سنتين متواصل بس المشكلة انى متقبلاه لكن مش بحبه حب قوى زى ما حبيت قبل كده فانا خايفة جدا من اتخاذ قرار الخطوبه خصوصا انه مش هيعد معايا غير يومين وبعدين مش هشوفه الا بعد سنتين اعمل ايه...؟ وفى نفس الوقت فى شخص تانى يعتبر صديق للعائله نعرف بعض كويس انا فجاه لقيت انى بفكر فيه كتير وبحلم بيه وحسة ان من جوايا بحبه بس بكابر وهو مظهرش ليه اى مشاعر من نحيته ليه وكمان انا عمرى ما هجرأ واروح اقوله انا بحبك..بس الغريبه انى من شويه كنت منهارة وببكى من صعوبه اتخاذ قرار الخطوبه لواحدى خصوصا ان اهلى مش بيساعدونى هما تركين لى القرار كله ومه بكائى لقيت نفسى بفكر فى الشخص انى انا مياله له وبنطق اسمه بينى وبين نفسى لقيته بيتصل بيه بس للاسف المكالمة مكملتش لان التليفون بتاعه فصل..اعمل ايه اقبل بالخطوبه من الشخص الكويس والى بيحبنى وانا متقبلاه ولا هكون بظلمة ..ولو قبلت هل ممكن المشاعر تتغير وتتبدل فى السنتين..بعتذر انى طولت عليكم بس صدقونى انا انسانة حسة انى غضبت ربنا وغلطت كتير اوى وبحتقر نفسى وكل الى بتمناه فى الدنيا انى اعيش حياه نضيفة وبالحلال لانى حقيقى ندماااااااااااااااااااااااااااانه..
وشكرا لحسن استماعكم ليه واتمنى ارائكم فى اسرع وقت ممكن .
م

[موناليزااااا]

شكرا لرأيك...وفعلا انا عملت كده النهارده وفعلا قبلت بالشخص الى متقدم ليه وربنا يباركلى فيه ..اما بالنسبه للشخص التانى ده فعلا لو هو كان في من نحيته اى شعور ليه كان على الاقل صارحنى بيه ..

[meroo]

لالالالالالالا صدقينى لا لا تقبلي لو انتى لم تشعري بحب ليه السنتين كتير جدا وانتتنتظرية ولا تحبية لا صدقينى انا مريت بشبة من ظروفك وخطيبي سافر عد خطبتى ب3 ايام على امل ان احبه ولكن لم اعرف لان البعد جفا وكمان انا ماكنش بيني وبينه اى حاجه اصبري على نصيبك ممكن في خلال السنتين تقابلى شخص تميلي له حقا ولكن تمنعك الدبله فقط وليس شعورك بحب خطيبك وهذا الشعور مؤلم للغاية